Почина Самка Ибраимовски

Почина Самка Ибраимовски, лидер на Партијата за целосна еманципација на Ромите (ПЦЕР), поранешен пратеник во Собранието на Македонија и поранешен министер без ресор.

Тажната вест ја објави „Рома Прес“, од каде што со емотивна порака се простија од долгогодишниот политички претставник на ромската заедница.

Ибраимовски беше долгогодишен политички активист и претседател на ПЦЕР. Во текот на својата политичка кариера извршуваше повеќе значајни функции, меѓу кои пратеник во македонското Собрание, министер без ресор во Владата, како и директорска функција.

Тој беше препознатлив по својот политички ангажман и застапувањето на интересите и правата на ромската заедница во Македонија.

„Денес нè напушти човек кој остави свој белег во политиката“, се наведува во прошталната порака на „Рома Прес“.

Засега не се соопштени дополнителни информации за причината за смртта.

Share on Facebook

Tweet

Follow us

Save