Приведен домар во бугарско училиште оти ги повикувал децата да скандираат „Да живее Македонија“!
![t](https://infomax.mk/wp-content/uploads/2024/05/image-163.png)
Бугарските медиуми информираат дека „за антибугарски скандирања и коментари“ бил приведен домар од средното училиште „Никола Војводов“ во бугарскиот град Враца.
Како што објавува тамошната „BTV“, на видеото кое кружи на социјалните мрежи, се гледа како лицето Данаил Петков ги снимало учениците и ги повикувало да скандираат „Да живее Македонија“. Кога едно од деца ќе му возвратело „Да живее Бугарија“, домарот му одговорал со зборовите „Ќе те претепам“.
Според објавеното, домарот се снимал во живо на ТикТок, фотографирајќи ги учениците, како и училишниот персонал. Од „BTV“ известуваат дека лицето користело квалификации како „турко-монголци“ и „бугарофашисти“.
Директорката на средното училиште, Снежанка Каменова објаснила дека за настаните дознала во текот на вчерашниот ден.
„Вчера напладне бев известена од колега дека на социјалните мрежи кружи видео во кое се присутни ученици и е вклучено името на нашето училиште. Ми го испратија, го гледав и се шокирав од тоа што го видов“, објаснила Каменова.
„Нашиот вработен, домарот Петков, си дозволил нелегално да снима ученици, без дозвола од нивните родители. Ги снимал и колегите без нивно знаење и емитувал во живо од неговото работно место, што е апсолутно кршење на работната дисциплина и етичкиот кодекс за работа со деца и студенти“, додала директорката.
Петков се соочува со отказ од работното место. Се уште е неизвесно дали е пуштен од полициската станица и дали против него ќе биде поднесена кривична или прекршочна пријава.
ПОВРЗАНИ ВЕСТИ
Земјотрес во Бугарија
Слаб земјотрес со јачина од 2,3 степени…
Се крчкаат нови предвремени избори во Бугарија
Бугарската партија „Има таков народ“ (ИТН) утре…
Македонија ја прегази Бугарија за финале на…
Македонската кошарка има нови јунаци! Јуниорската репрезентација на Македонија на…
МНР: Очекуваме Бугарија да ги преземе сите…
Република Северна Македонија е силно посветена на…
(Видео) Огромен пожар од Бугарија се движи…
Огромен пожар беснее кај Струмјани во Благоевградско,…