Путин го одобри новиот концепт за надворешна политика на Русија: Главен приоритет отстранувањето на остатоците од доминацијата на САД во светот
![t](https://infomax.mk/wp-content/uploads/2022/05/putin-1.jpg)
Претседателот на Руската Федерација, Владимир Путин, денеска со указ одобри нов концепт на надворешната политика на Русија.
„Денеска потпишав декрет за одобрување на ажурираниот Концепт за надворешна политика на Руската Федерација“, рече тој за време на состанокот со постојаните членови на Советот за безбедност.
Шефот на државата нагласи дека поради сериозните промени на светската арена мора да се прилагодат клучните стратешки документи. Според него, ажурираниот Концепт ќе ја формира основата на практичните активности на земјата на среден и подолг рок, а ќе стане и добра доктринална основа за понатамошна работа во областа на меѓународните односи.
Претседателот истакна дека Министерството за надворешни работи, заедно со другите ресори, изврши макотрпна работа за усогласување на овој документ со модерната реалност.
Подолу се главните одредби на ажурираниот концепт:
- Русија не се смета себеси за непријател на Западот и не се изолира од него, нема непријателски намери.
- Русија смета на сфаќањето на Западот за залудноста на конфронтацијата и на враќање на еднаква интеракција.
- Москва го гледа курсот на САД како главен извор на ризици за нејзината безбедност и меѓународниот мир.
- Ќе се даде приоритет на отстранувањето на остатоците од доминацијата на САД во светот.
- Москва се стреми да обезбеди безбедност подеднакво за сите земји врз основа на принципот на реципроцитет.
- Од особено значење е сеопфатното продлабочување на врските и координацијата со Кина и Индија.
- Главната цел во блиското странство е регионот да се претвори во зона на мир, добрососедство и просперитет.
ПОВРЗАНИ ВЕСТИ
Стејт департмент: Сите тврдења за мешање на…
Американскиот Стејт департмент објави дека секое тврдење…
Украинците уништија клучен мост во руската област…
Украинските сили уништија стратешки важен мост на…
Вулин: Србија има политичка поддршка од Русија,…
Србија ја има политичката поддршка од Русија…
Борис Џонсон: Дозволете Киев да гаѓа цели…
Поранешниот британски премиер Борис Џонсон, коментирајќи го…
Сирски го брифираше Зеленски: Денеска имаме напредок…
Украинскиот претседател Володимир Зеленски денеска учествуваше на…