Путин почна да дели пасоши во окупираните региони на Украина!

Во блиска иднина во Керсон треба да се појават пасошки точки, каде што ќе може да се добие руски пасош, кој може да се добие по поедноставена процедура според указот што рускиот претседател Владимир Путин го потпиша вчера.

Планот на Москва да им олесни на Украинците кои живеат во регионите на Украина контролирани од Русија да добијат руско државјанство го прекршува меѓународното право, рече Киев, обвинувајќи го Кремљ за „криминално“ однесување.

„Незаконското издавање на пасоши… е флагрантно кршење на суверенитетот и територијалниот интегритет на Украина, како и на нормите и принципите на меѓународното хуманитарно право“, се вели во соопштението на украинското Министерство за надворешни работи во средата.

Рускиот претседател Владимир Путин претходно во средата потпиша декрет со кој се поедноставува процедурата за добивање руски пасош за жителите на јужните украински региони Запорожје и Керсон.

Украинското Министерство за надворешни работи соопшти дека иницијативата е дополнителен доказ за „криминалните“ воени цели на Москва, имено, интеграцијата на регионите што ги држи војската на Москва „во правното, политичкото и економското поле на Русија“.

Официјалната наредба објавена во средата дојде по декретот од 2019 година со кој се дозволи истата брза процедура за жителите на самопрогласените републики во Доњецк и Луганск, отцепените региони на источна Украина..

Од апликантите не се бара да живееле во Русија, не треба да обезбедат докази за доволно средства или да положат тест за руски јазик.

Регионот Керсон е под целосна контрола на руските трупи, додека југоисточниот регион Запорожје е делумно контролиран од Москва.

Москва и про-московските власти рекоа дека двата региони би можеле да станат дел од Русија.

„Поедноставениот систем ќе ни овозможи на сите јасно да видиме дека Русија е тука не само долго време, туку и засекогаш“, изјави за руската државна новинска агенција РИА Новости назначениот од Москва заменик-лидерот на окупираната област Херсон, Кирил Стремусов.

„Многу сме му благодарни на рускиот претседател Владимир Путин за се што прави за нас, за заштита на рускиот народ во историски руските земји кои сега се ослободени“, додаде тој.

Share on Facebook

Tweet

Follow us

Save