INFOMAX.MK

Премиерот Еди Рама, уште еднаш го повтори повикот за дијалог со студентите, но со една промена. Во објава на Фејсбук, тој сподели снимки од камена маса пред зградата на Владата, врз која се поставени писмата со повик за дијалог.

Промената доаѓа откако студентите ги запалија столчињата за дијалог, кои беа поставени во изминатите денови, и ги поставија камењата пред зградата на Владата, изразувајќи го одбивањето да учествуваат во дијалог со лидерот на социјалистите.

Во меѓувреме, на состанокот на пратеничката група на Социјалистичката партија, одржан овој понеделник, премиерот Еди Рама им го претставил на социјалистичките пратеници пакетот мерки објавен еден ден претходно. Друга тема за која се разговарало на состанокот бил и државниот буџет.

Според извештаите, Рама ги информирал пратениците дека предлог-буџетот се очекува да биде усвоен од Владата во текот на оваа недела.

По состанокот, претседателот на пратеничката група на Социјалистичката партија, Таулант Бала, изјавил дека Еди Рама нема да поднесе оставка.