Реакција и од ЛДП по вчерашното веење знамиња на “голема Албанија”: Национализмот води кон конфликти и омраза
![t](https://infomax.mk/wp-content/uploads/2021/11/Monika-Zajkova-potpretsedatelka-na-LDP.jpg)
Национализмот нема националност и е „храна за гладен народ“, создаден од политиката која нуди омраза и поделби, соопштуваат од Либерално-демократската партија.
„Времето покажува дека политичарите на Балканот го користат само да опстанат или да дојдат до власт и моќ, како и да ги штитат своите лични интереси, реагираат од Либерално-демократската партија, откако знаме со карта на таканаречена ‘Голема Албанија’ која опфаќа делови од Македонија, Црна Гора, Србија и Грција се вееше на вчерашниот концерт, кој Општина Тетово го организираше по повод пречекот на косовскиот премиер Албин Курти.
Оваа фотографија поставена на официјалниот профил на градоначалникот на Тетово, Биљал Касами на социјалната мрежа Фејсбук, претставува елементарно непочитување на вообичаените дипломатски протоколи за посета на премиер во друга држава, со што се нарушува државниот интегритет и суверените на Република Македонија при посетата на премиерот на Косово Албин Курти на две опозициони албански партии и на една нерегистрирана политичка групација“, наведуваат од ЛДП.
Според партијата, национализмот не носи ништо и никому добро во мултиетничко општество, а е извор само на конфликти и омраза.
„Да работиме на заедништвото, да се држиме до работи кои нè зближуваат, да градиме општество на еднаквост, силна економија и подобар живот за сите“, порачуваат од ЛДП.
ПОВРЗАНИ ВЕСТИ
Ѓурѓај: Исправен терминот „северномакедонци“ во резултатите од…
Народниот правобранител на Албанија одговори на дописот…
Кривични пријави за тројца од Подградец кои…
Албанската полиција поднела кривични пријави против тројца…
По прославата гордите патриоти го фрлија знамето…
Откако завршија свеченостите на Мечкин Камен по…
ЛДП бара воведување на сеопфатно сексуално образование…
Форумот на жени на ЛДП со апел…
Уапсен шеф на Обвинителство во Албанија!
По налог на Специјалното обвинителство против организиран…