Роналдо константно прави хаос во репрезентацијата: Кој е овој човек?

Португалија е во четвртфиналето од Светското првенство во Катар, но репрезентацијата секојдневно ја потресуваат нови скандали, поврзани со Кристијано Роналдо.

Најновиот е поради тоа што довчерашниот играч на Манчестер Јунајтед е единствен кој има свој пријател во кампот на националниот тим. Станува збор за персоналниот тренер на Роналдо, Рики Регуфе кој постојано е со репрезентацијата.

„Неколку фудбалери воопшто не ја сфаќаат причината поради која тој е со нив. Рики е постојано со тимот, дури и во деновите кога има натпревари. Она што дополнително ги иритира останатите е што на ниеден друг играч не му е дозволено да има гостин за време на Мундијалот“, пишува Дејли меил, повикувајќи се на извори од португалската репрезентација.

Регуфе и Роналдо се блиски од деновите кога Португалецот играше за Реал и оттогаш е негов гостин на вечери, забави, скапоцени летувања и на церемонии на доделување награди.

Share on Facebook

Tweet

Follow us

Save