Рубио: Средбата на Зеленски и Виткоф беше позитивна, без неочекувани моменти

Американскиот државен секретар, Марко Рубио, оцени дека вчерашната средба во Осло меѓу украинскиот претседател, Володимир Зеленски, и специјалниот пратеник на САД, Стив Виткоф, била позитивна, без ништо неочекувано или изненадувачко.

Рубио изјави дека следната дестинација на Виткоф е Санкт Петербург, каде што тој ќе ги пренесе на руската страна идеите од разговорот со Зеленски.

– Сега, вооружен со овие идеи од средбата со Зеленски, тој може да ги сподели со руската страна во Санкт Петербург. Да видиме дали ќе можеме да постигнеме некаков напредок, изјави Рубио пред новинарите во Мумбај.

Рубио вчера пристигна во Индија во дводневна посета.

Виткоф се очекува да се сретне со рускиот претседател Владимир Путин и со неговиот советник за инвестиции и меѓународна економска соработка Кирил Дмитриев, кој е и директор на Рускиот фонд за директни инвестиции.

По средбата во Осло, Зеленски изјави дека Украина има јасна визија за тоа како да се постигне мир во војната со Русија.

Share on Facebook

Tweet

Follow us

Save