INFOMAX.MK

САД продолжуваат да ги зголемуваат тензиите во Европа, што е доказ дека Русија има причина да се грижи, изјави портпаролот на Кремљ, Дмитриј Песков, коментирајќи ја најавата дека американските војници се префрлаат во Европа.

„САД, всушност, продолжуваат да ги зголемуваат тензиите во Европа“, изјави Песков за Си-Ен-Ен.
Според него, трансферот на американските сили во Европа е „најдобар доказ дека ние, Русија, имаме очигледна причина за загриженост“.

Пентагон претходно соопшти дека Соединетите држави испраќаат дополнителни трупи во Европа поради ескалацијата на кризата околу Украина. Според Пентагон, тие привремено и со согласност на земјите домаќини ќе бидат во сојузничките европски земји.

Американските медиуми неодамна изразија загриженост поради наводното зголемување на руските „агресивни дејствија“ на границата со Украина. Портпаролот на претседателот на Русија, Дмитриј Песков, изјави дека Русија ги преместува војниците на своја територија и по своја дискреција. Според него, тоа никогаш не загрозува и не треба да загрижува.