Руската војска уништила штаб и база на украинските специјалци на југот на Украина

Руските единици уништиле штаб и база за обука на посебниот украински центар за специјални операции „Југ“ во близина на Очаков во јужната украинска Николаевска област, соопшти во петокот руското Министерство за одбрана.

Покрај тоа, во близината на Никоалев, руските воздухопловни сили ги погодиле позициите на 28-та моторизирана пешадиска бригада на украинската војска.

Истовремено, во регионот на Харков, на истокот од Украина, била гаѓана позиција на 66-та механизирана на бригадата кај местата Двуречнаја и Купјанск. Покрај тоа, биле нападнати и позициите на украинскиот баталјон „Кракен“, кој Москва го смета за составен од неонацисти и ултранационалисти кој бил распореден во близина на градот Харков, кој е инаку населен со мнозинско руско и рускојазично население. Градот е под контрола на украинските сили од почетокот на руската офанзива, и спорадично е подложен на руски прецизни ракетирања.

Во изминатото деноноќие украинските сили загубиле повеќе од 400 војници, повеќе од 20 единици на оклопни борбени возила и други возила за специјални намени, според руското Министерство за одбрана.

Share on Facebook

Tweet

Follow us

Save