Објавено на:

„Руската aгресија е koнтрапродуктивна“: Столтенберг ја објасни причината за проширувањето на НАТО на исток

t

Со прибегнувањето кон агресивни активности, Русија не го намалува присуството на силите на НАТО во близина на нејзините граници, туку напротив – предизвикува нивно акумулирање, изјави генералниот секретар на Алијансата, Јенс Столтенберг.
„Ако целта на руското раководство е да го намали присуството на НАТО околу границите на Русија, тогаш резултатите досега беа сосема спротивни“, рече тој во интервју за Волстрит журнал.
Како што рече, НАТО има развиено активност на ниво што ги надминува капацитетите на Алијансата во времето на крајот на Студената војна.
Столтенберг призна дека рекордното проширување на силите на НАТО започна со анексијата на Крим кон Русија во 2014 година, со цел да се ограничи Москва. Според него, сега има повеќе американски војници во Европа отколку пред седум години.
„Сега сме поактивни во Северна Америка и Европа отколку во претходните децении“ , рече шефот на НАТО.

Истовремено, тој нагласи дека НАТО повторно ќе реагира доколку Москва повторно одлучи да употреби сила на светската сцена.
„Каква ќе биде точно реакцијата и какви воени капацитети ќе бидат тоа – е прашање што ќе се реши во зависност од развојот на настаните“, додаде генералниот секретар на НАТО.
Во последно време властите во Киев и Западот постојано ја обвинуваат Русија дека наводно подготвува инвазија на Украина. Русија постојано ги негираше обвинувањата на Западот и Украина за агресивни дејствија , велејќи дека никому не се заканува и нема намера да нападне никого, а изјавите за „руска агресија“ се користат како изговор за пренос на уште поголема воена опрема на НАТО во во близина на руската граница.

ПОВРЗАНИ ВЕСТИ

Блинкен: САД имаат план за Украина

Американските власти направија јасен план за Украина,…

Шефот на НАТО предупредува: Се зголемуваат тензиите…

Генералниот секретар на НАТО Јенс Столтенберг во…

Путин: Подготвен сум да преговарам со Украина

Претседателот Владимир Путин вели дека Русија ќе…

ОН ја усвои руската резолуција за борба…

Генералното собрание на ОН ја усвои руската…

Украина нема да влезе во НАТО без…

Украинскиот претседател Володимир Зеленски ја отфрли идејата…