Објавено на:

САД и Русија ќе разговараат за тензиите околу Украина на 10. јануари

t

Вашингтон и Москва ќе разговараат за тензиите околу Украина и прашањата за контрола на нуклеарното оружје на 10 јануари, изјави за АФП портпаролот на Белата куќа задолжен за безбедност.

На 12 јануари би можело да се одржи состанок меѓу Русија и НАТО, а на 13 јануари ќе следи средба меѓу Русија и Организацијата за безбедност и соработка во Европа (ОБСЕ), во која се вклучени и Соединетите држави.

Рускиот министер за надворешни работи, Сергеј Лавров, вчера изјави дека преговорите меѓу Русија и САД за барањето на Москва за гаранции за непроширување на НАТО во Украина ќе започнат веднаш по новогодишните празници, кои во Русија траат до 9 јануари.

Американскиот функционер оцени дека кога двете страни ќе седнат на разговор, Русија ќе може да ја изрази својата загриженост, а Америка својата, особено, како што рече, за активностите на Русија.

Билатералните разговори на 10 јануари ќе се одржат како дел од дијалогот за стратешка безбедност што го иницираа претседателите на САД и Русија, Џо Бајден и Владимир Путин на нивната средба во Женева.

Иако форматот е во голема мера посветен на повторно преговарање за договорите за контрола на нуклеарното оружје по Студената војна, разговорите ќе ја разгледаат и ситуацијата на руско-украинската граница.

Москва неодамна им ги предаде нацрт документите за безбедност на Вашингтон и НАТО, барајќи од Алијансата да не ги прими Украина и другите поранешни советски земји за членство и да се откаже од распоредувањето сили и воена опрема во Централна и Источна Европа.

Вашингтон и неговите сојузници одбија да се посветат на тоа, но рекоа дека се подготвени за преговори.

Барањата, содржани во нацрт-безбедносниот договор меѓу Русија и САД и нацрт-договорот за безбедност меѓу Москва и НАТО, беа поставени во време на растечки тензии поради акумулацијата на руски војници во близина на Украина, што ги зголеми стравувањата од можна инвазија.

ПОВРЗАНИ ВЕСТИ

САД го поддржа протестот на Кинезите против…

САД ја изразија својата поддршка за луѓето…

(Видео) Зеленски: Украина никогаш нема да прифати…

Украинскиот претседател Володимир Зеленски во редовното видео-обраќање…

Столтенберг “го провали” Путин: Ќе ја користи…

Русија најверојатно ќе продолжи да ги напаѓа…

Путин кажа дали треба да има нуклеарна…

Русија и Казахстан тргнуваат од тоа дека…

Руската инвазија во Украина го зголемува ризикот…

Руската инвазија на Украина ја зголеми заканата…