СДСМ: Дали актуелните командири, инспектори и раководството на БЈБ и МВР, кои биле одговорни да го обезбедат настанот, се изземени од истрагата за Кочани?

„Скандалозно е ова што го прави власта. Поминаа два дена од поставените легитимни прашања на СДСМ кон МВР и Јавното обвинителство, а досега одговори нема. Дали актуелните командири, инспектори и раководството на БЈБ и МВР во ОВР Кочани и СВР Штип – кои биле одговорни по закон да го обезбедат настанот – се изземени од истрагата? Дали е точно дека сите седум вработени во МВР кои се приведени, не биле на функции вечерта на трагедијата?“ прашуваат од СДСМ.

Од партијата велат „Како е можно да не се истражуваат лица кои вечерта биле на одговорни позиции со законска должност да постапат – но не го сториле тоа? Зошто актуелниот директор на ДПИ, Влатко Стојкоски не е опфатен со истрагата? За овие легитимни прашања молчи Јавното обвинителство, молчи МВР, во нивно име одговара ДПМНЕ“.

„Тоа што наместо институциите одговара партијата ДПМНЕ уште повеќе ги подгрева сомнежите за селективна правда и политички манипулации со случајот. Селективната правда не е никаква правда. Граѓаните очекуваат неселективна правда и одговорност од сите! А ДПМНЕ нема што да одговара во името на институциите“ се вели во соопштението на СДСМ.

Share on Facebook

Tweet

Follow us

Save