СДСМ: Мицкоски тврдеше „нема поскапувања“, а горивата повторно поскапуваат

Христијан Мицкоски тврдеше дека „нема поскапувања“ и дека владата „контролира сè“, горивата во Македонија повторно поскапеа. Уште една лага, се наведува во соопштението на СДСМ.

Од партијата велат „Европа отворено најавува економска криза. Авиокомпаниите откажуваат летови поради скап керозин. Само една германска компанија најавила откажување на 20.000 летови. Цените на ѓубривата повторно растат, земјоделците се без поддршка и без субвенции. Исто така, цените на основните животни намирници растат од ден на ден. Граѓаните се оставени сами со празни фрижидери и празни џебови“.

„Мицкоски и ВМРО-ОКГ:

-одбиваат да го укинат ДДВ на храна, и да го намалат ДДВ на горивата на 5%,

-одбиваат да воведат какви било мерки за заштита на стандардот на граѓаните,

-одбиваат да ја зголемат минималната плата,

-продолжуваат да ги задолжуваат граѓаните, од почетокот на годината има 700 милиони евра нов долг само за три месеци“ е ставот на опозициската партија.

Од СДСМ велат „Економијата оди надолу, странските инвестиции паднаа за 60%, се случуваат масовни отпуштања на работници од индустријата. Потрошувачката кошница за една година поскапе за околу 4.000 денари, а владата продолжува да зборува дека „буџетот е во одлична кондиција“. Два месеца СДСМ бара конкретни мерки за заштита на стандардот на граѓаните. Владата молчи“.

Share on Facebook

Tweet

Follow us

Save