Силен земјотрес во Романија почувствуван и во Бугарија, Украина и Молдавија

t

Земјотрес со магнитуда од 5,3 степени според Европско-медитеранскиот сеизмолошки центар (EMSC) ја погоди сеизмичката област Вранча во Романија рано утринава, а потресот бил почувствуван и во повеќе земји од регионот, меѓу кои Бугарија, Украина и Молдавија.

Земјотресот бил регистриран во 02:48 часот по локално време. Според податоците на EMSC, епицентарот бил на околу 65 километри северозападно од романскиот град Бузау и 13 километри југозападно од Нереџу. Длабочината на земјотресот, според конечната обработка на EMSC, изнесувала околу 140 километри.

Постојат разлики во проценките на сеизмолошките институции. Романскиот Национален институт за физика на Земјата регистрирал магнитуда од 5,7 степени и длабочина од 120,8 километри, додека бугарскиот Институт за геофизика, геодезија и географија првично ја проценил магнитудата на 5,4 степени.

Во Бугарија потресот бил почувствуван во Русе, Силистра, Варна и Велико Трново, а извештаи за почувствувано тресење пристигнале и од други населени места. Во романската престолнина Букурешт, според сведоштва на граѓани, се треселе зградите и предметите во домовите.

Земјотресот бил почувствуван и во повеќе украински градови, меѓу кои Одеса, Измаил и Киев, а потреси биле пријавени и во Молдавија.

Според првичните информации објавени од романските медиуми и јавниот сервис ТВР, во погодените земји во моментот на објавувањето на извештаите немало пријави за жртви или материјална штета.

Областа Вранча е една од најактивните сеизмички зони во Европа, а земјотресите со подлабок хипоцентар во оваа област често се чувствуваат на големи растојанија, вклучително и во соседните држави.

ПОВРЗАНИ ВЕСТИ

(Видео) Први снимки од земјотресот во Колумбија,…

Силен земјотрес со магнитуда од 7,4 степени…

Земјотрес од 4,5 степени ја погоди Грција…

Денеска западниот дел на Грција беше погоден…

Силен земјотрес во Грција почувствуван и во…

Земјотрес со локална магнитуда од 5,5 степени…

Уште еден земјотрес синоќа почувствуван во Македонија

Телеметриската сеизмолошка мрежа на Република Северна Македонија,…

Земјотрес ја погоди Грција утрово

Земјотрес со магнитуда од 4,0 степени според…