Сијарто: Можеме да ставиме вето на преговорите меѓу Украина и ЕУ
![t](https://infomax.mk/wp-content/uploads/2022/10/sijarto-janevska-ilieva-07-696x464-1.jpg)
Унгарија ќе може да стави вето на преговорите меѓу Европската унија и Украина за членство, кога тие се реални, а не хипотетички како сега. Засега Будимпешта го направи најкоректниот чекор, ослободувајќи се од последиците од одлуката на ЕУ за почеток на преговори со Киев, изјави шефот на унгарската дипломатија Петер Сијарто во интервју за порталот Мандинер.
„Мислам дека го донесовме најдоброто решение. Ние не учествуваме во таа одлука, не сме одговорни за неа и се ослободивме од последиците“, изјави Сијарто.
Според него, „прибегнувањето кон суровите средства за вето“ ќе биде целисходно „доколку за време на подготовките за вистински, а не хипотетички преговори, како што се сега, Брисел сака да наметне нешто“ што не е соодветно за Унгарија.
На самитот на ЕУ претходно беше донесена одлука за почеток на преговори за идното членство на Украина и Молдавија во Европската унија.
Унгарскиот премиер Виктор Орбан, кој не гласаше на самитот за таа одлука, изјави дека самата Европска комисија во своите препораки од 8 ноември признала дека Украина се уште не ги исполнила трите услови за почеток на преговорите за членство.
ПОВРЗАНИ ВЕСТИ
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Филипче до Гир: Се сомневам во намерите…
Претседателот на СДСМ, проф. д-р Венко Филипче,…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
ЕУ мобилизира дополнителна помош за борба против…
По упатеното барање за помош од Македонија,…