Скандал во болница во Германија – болничар сексуално се изживувал врз телата на починати пациенти

Скандалозен и вознемирувачки случај ја потресе јавноста во германскиот град Бинде, северно од Билефелд. Вработен во локална болница е под сериозни сомневања дека вршел сексуални дејствија врз тела на починати пациенти, објави „Билд“.

Станува збор за 39-годишен германски државјанин кој до крајот на јуни работел како помошен работник во болницата „Лукас“ во Бинде, во округот Херфорд. Меѓу неговите работни задачи биле и чистење и одржување на просториите во одделот за патологија, каде што телата на починатите пациенти привремено се чуваат.

Според досегашните сознанија, осомничениот наводно извршил сексуални дејствија врз телата на починат возрасен маж и жена – еднаш во средината на јуни и вторпат кон крајот на декември 2025 година.

Состојбата во која биле пронајдени телата, како и трагите затекнати на местото, укажувале на сериозно нарушување на достоинството на починатите, по што болницата поднела кривична пријава.

Како што објави Радио Херфорд, постоеле забелешки дека телата биле поместени или дека имало интервенции врз нивната облека.

По спроведената истрага, полицијата и обвинителството го идентификувале 39-годишниот маж како главен осомничен. Во средата бил извршен претрес во неговиот дом, при што биле запленети дигитални носачи на податоци, а од него бил земен и бриз. Во тек е анализа на доказниот материјал и ДНК-трагите.

Во германското законодавство, некрофилијата не е дефинирана како посебно кривично дело. Затоа, обвинението против осомничениот е формулирано како нарушување на мирот на починатите. Поради тоа што жртвите се починати, не може да се покрене постапка за сексуална злоупотреба.

Според член 168 од Кривичниот законик на Германија, се санкционираат дејствија кои го навредуваат достоинството на починати лица или го нарушуваат чувството на пиетет, а за такви дела е предвидена затворска казна до три години.

Share on Facebook

Tweet

Follow us

Save