СОНК и Владата далеку од договор: Штрајкот ќе трае до понеделник, главните напади кон синдикатот доаѓаат од министерството за труд и социјала

Се обидуваме да ја разбереме пораката на Министерството за образование и наука (МОН), од каде претходно доаѓаа изјави дека се обидуваат да се приближат на барањата на СОНК, за да на вчерашниот состанок не ни понудат ништо што би можело да ги задоволи нашите побарувања, вели претседателот на Синдикатот за образование, наука и култура, Јаким Неделков.

Штрајкот на вработените во училиштата и во градинките трае од понеделникот, а синдикалниот лидер вели дека мора да остане оптимист, иако на средбата во МОН добил „студен туш“. Сепак, Неделков нагласува дека односот со МОН е коректен и во многу што се разликува од оној што нивните членови вработени во градинките, го добиваат во релациите со Министерство за труд и социјална политика.

– Четврти ден од почетокот на штрајкот во градинките и училиштата, без понуда за зголемување на платите. Наместо наоѓање решение на проблемот, МТСП врши обид да ги заплашува штрајкувачите во градинките со разни дописи. Почит и поддршка до сите вработени во градинките и училиштата кои се во штрајк – тврди Неделков.

Share on Facebook

Tweet

Follow us

Save