Соопштение од МНР: Германија останува стратешки партнер за нашите европски интеграции
![t](https://infomax.mk/wp-content/uploads/2021/09/mnr-1.jpg)
Соопштение до медиумите од Министерството за надворешни работи го пренесуваме интегрално:
„Министерот за надворешни работи, Бујар Османи, оствари средба со министерката за Европа и клима при Министерството за надворешни работи на Германија, Ана Лирман.
Посетата доаѓа многу брзо по нејзиното преземање на оваа функција во новата германска влада предводена од канцеларот, Олаф Шолц и само еден ден по изгласувањето на новата влада во нашата земја, чија определба останува иста – евроатлантски континуитет со приоритет на европските интеграции како стратешки интерес на Северна Македонија.
На состанокот беше разговарано за политиката на проширување како важна алатка на надворешното дејствување на ЕУ и евро – интегративното досие на земјата како клучно за кредибилитетот на Унијата, при што беше реафирмирана цврстата германска поддршка за европската интеграција на Северна Македонија.
„Северна Македонија докажа дека силно го застапува европскиот наратив на вредности и е стабилен партнер на европската сцена што придонесува за добросостојбата на регионот. Почетокот на пристапните преговори ќе претставува валоризација на досега сработеното, што во голема мера е постигнато и со поддршка на Германија, чија надворешна политика принципиелно ги застапува и вреднува нашите европски аспирации во овој процес“, истакна Османи.
Државната министерка, Лирман го поздрави напредокот на земјата и нагласи дека земјата заслужува почеток на пристапните преговори и посочи дека ќе даде силна поддршка кон остварување на оваа заедничка стратешка цел.
Односите и соработката меѓу Република Северна Македонија и Сојузна Република Германија ги карактеризира интензивен политички дијалог и значајна динамика на соработка во сите области. Германија е клучен политички и економски партнер на нашата земја, како и значаен партнер во процесот на европските интеграции на Република Северна Македонија. Германија подолг период е најголем трговски партнер на нашата земја. Преку разни регионални проекти за ЕУ, Германија дава поддршка на нашите напори во исполнувањето на препораките на ЕУ и неопходните реформи од европската агенда.“ – Пишува во соопштението од МНР.
ПОВРЗАНИ ВЕСТИ
Мециновиќ од Левица на состанок во кинеското…
Денес во Министерството за надворешни работи на…
Уште имаат храброст да се жалат! Косовско…
Министерството за надворешни работи и дијаспора на…
Жерновски повикан на консултации во МНР
Македонскиот амбасадор во Романија Андреј Жерновски денеска…
Министерот за дипломатија блокира броеви на новинари…
Министерот за надворешни работи, Тимчо Муцунски, одбива…
Муцунски ќе проверува дали имало незаконско работење…
Министерот за надворешни работи и надворешна трговија…