Македонска амбасада во Израел: Затворен аеродромот во Тел Авив, активни се само морски рути за излез од државата

Од македонската амбасада во Израел информираат дека воздушниот простор на Израел од денес 22 јуни, како и аеродромот, се затворени со што планот за евакуација на странски државјани преку аеродромот Тел Авив засега не е возможен.

Тие додадоа дека од Министерството за туризам на Израел добиле информација дека функционира морска рута од Ашдод до Лимасол (Кипар) (компанијата „Мано Шипинг“)

Според македонската амбасада, следниот брод со слободни места Краун Ирис(Crown Iris) планирано e да отплови од Ашдод напладне на 27 јуни (петок) и има капацитет за 1.500 патници, а картите се набавуваат директно од веб страната на компанијата (Mano Shipping).

Оттаму апелираа дека сите Македонските државјани кои немаат никаков валиден пасош да се обратат до Амбасадата за добивање на Патен лист.

Share on Facebook

Tweet

Follow us

Save