Спасовски се пофали со успеси во 2022, уништени биле 10 тони дрога

Запленетата дрога, според министерот Спасовски, на црниот пазар би достигнала вредност од шест милиони евра.

Во 2022 година се запленети над 2,4 тони дрога, од кои во најголем дел станува збор за марихуана, хероин, кокаин, амфетамин, хашиш, објави министерот за внатрешни работи Оливер Спасовски на својот фејсбук-профил оценувајќи дека минатата година била успешна во борбата против недозволена трговија со дрога.

Запленетата дрога, според Спасовски, на црниот пазар би достигнала вредност од шест милиони евра.

Сузбиени се 12 организирани криминални групи составени од 51 член. Откриени се над 700 кривични дела, за кои се пријавени над 800 сторители. Тука се и заплените на 20 тони најразлични прекурсори, со цел понатамошно производство на синтетичка дрога“, информира Спасовски.

Според него вредна за споменување е и заплената од еден тон прекурсори на скопскиот аеродром од кои би можело да се произведе амфетамин во вредност од над 50 милиони евра.

„Во делот на недозволена трговија со дрога, во 2022 го имавме и најголемото уништување на запленета дрога досега, вкупно уништени 10 тони дрога“, додава Спасовски.

Share on Facebook

Tweet

Follow us

Save