INFOMAX.MK

Полскиот премиер Матеуш Моравјецки и вицепремиерот Јарослав Качински, чешкиот премиер Петр Фиала и словенечкиот премиер Јанез Јанша пристигнаа во Украина и се упатуваат за Киев, соопштија во вторникот од кабинетот на полскиот премиер.

„Пред околу еден час возот на премиерот, вицепремиерот за безбедност Јарослав Качински и премиерите на Чешката Република и Словенија ја преминаа полско-украинската граница“, објави канцеларијата на Твитер.

Лидерите треба да се сретнат со украинскиот претседател Володимир Зеленски и премиерот Денис Шмихал во Киев. Целта на состанокот е да се изрази недвосмислената поддршка на Европската унија за суверенитетот и независноста на Украина и да се разговара за широк пакет мерки за поддршка.

Според портпаролот на полската влада Пјотр Милер, средбата била договорена по консултации со претседателот на Европскиот совет, Шарл Мишел и претседателката на Европската комисија, Урсула фон дер Лајен, со цел да се испрати „силен сигнал за мир“.

Europe must send a strong signal for peace! Prime Minister @MorawieckiM, Deputy Prime Minister J. Kaczyński, Prime Minister of the Czech Republic @P_Fiala and Prime Minister of Slovenia @JJansaSDS are going to meet Ukrainian highest authorities. https://t.co/kDbNSCNAyL

— Piotr Müller (@PiotrMuller) March 15, 2022