Стејт департментот бара Србија да ги расчисти изборните нерегуларности

t

Американскиот Стејт департмент ги повика властите во Србија да соработуваат со мисијата ОБСЕ во истрагата за наводите за изборни нерегуларности, објави Гласот на Америка.


„Фокусирани сме на соработката со Србија за зајакнување на демократската влада и владеењето на правото, подобрување на регионалната соработка, продолжување на економскиот раст и забрзување на напредокот на Србија на патот кон членство во Европската унија. Иднината на Србија е на Запад“, се вели во писмениот одговор на Стејт департментот на прашањето на Гласот на Америка за новите протести во Белград кои во неделата станаа насилни.

Во соопштението за печатот уште еднаш се поздравуваат „прелиминарните заклучоци на набљудувачката мисија на изборите ОЕБС/Одихр дека изборите на 17 декември им понудија на гласачите избор на политички алтернативи“.

„Со загриженост ги забележуваме наодите на Одихр дека изборите беа нарушени со бројни процедурални пропусти, притисок врз јавните службеници и злоупотреба на јавните ресурси и дека овие фактори, заедно со системските предности на владејачката партија, создадоа нефер услови. Соединетите Држави ја повикуваат Србија тесно да соработува со ОЕБС за да се справи со овие грижи“.

Стејт департментот вели дека наводите за нерегуларности, „пријавени од Одихр и други тимови за набљудување на изборите“, треба да бидат истражени.

„Насилството насочено кон изборните органи, новинарите и акредитираните набљудувачи е неприфатливо. Партиите треба да пријават инциденти на изборни нерегуларности преку соодветни правни канали. Легитимноста на демократските процеси зависи од транспарентноста и од подготвеноста на сите страни, без разлика дали ќе победат или изгубат, да ја почитуваат волјата на народот изразена на гласањето“, се заклучува во одговорот на Стејт департментот.

ПОВРЗАНИ ВЕСТИ

Србија формираше работна група што ќе го…

Владата на Србија формираше Работна група за…

Уапсен е и братот на еден од…

Последните информации од Вишото обвинителство во Зајечар…

Вучиќ: Србија ќе им се спротивстави на…

Претседателот на Србија, Александар Вучиќ, соопшти денеска…

Жителите на Бор палат свеќи за малата…

Жителите на Бор вечерва палат свеќи и…

Харадинај: Одлуката за укинување на динарот му…

По повод денешната рунда од дијалогот во…