Столтенберг бара Турција да го одобри членството на Шведска во НАТО
![t](https://infomax.mk/wp-content/uploads/2023/07/stoltenberg-erdgoansvedska.webp)
Генералниот секретар на НАТО Јенс Столтенберг денеска му порача на турскиот претседател Реџеп Таип Ердоган дека „дојде време“ Турција да го ратификува документот за приклучување на Шведска во западната воена алијанса. Турција и Унгарија се единствените членки на НАТО кои се уште официјално не го одобрија приемот на Шведска, потсетува АП, пренесува Танјуг.
Столтенберг во изјава за таа американска агенција рече дека за време на средбата со Ердоган, на маргините на климатскиот самит COP28 во Дубаи, ја повикал Турција да го заврши пристапниот процес на Шведска.
„Утрово се сретнав со претседателот Ердоган и ја повторив мојата порака дека е дојдено време да се финализира процесот на пристапување на Шведска. Не можам да дадам точен датум, но го поздравувам фактот што претседателот Ердоган пред неколку недели ги достави документите за ратификација до Парламентот“, нагласи секретарот.
Турција ја одложи ратификацијата повеќе од една година, обвинувајќи ја Шведска дека не ги сфаќа доволно сериозно турските безбедносни грижи, вклучително и борбата против курдските милитанти и другите групи кои Анкара ги смета за закана.
Шведска и Финска, кои се приклучија на НАТО во април, ја напуштија својата политика на неутралност и аплицираа за членство во алијансата по руската инвазија на Украина. За да се добијат нови членови, сите постоечки членови мора да ја одобрат одлуката.
ПОВРЗАНИ ВЕСТИ
Марија Габриел ќе биде втор човек во…
Поранешната еврокомесарка и министерка за надворешни работи…
Турција го блокира Инстаграм
Овој потег уследи по коментарите на турскиот…
(Документи) Илјадници народни пари потрошени на ручеци…
Шетајте луѓе, народ плаќа. Над 17.500 евра…
Турција ќе ги заловува, но нема да…
Турскиот парламент усвои закон што налага сите…
Застрашувачка изјава на Ердоган: Турција би можела…
Турција би можела да влезе во Израел…