Телевизија „Алфа“ може слободно да работи – Обвинителството за организиран криминал ја отфрли пријавата на Финансиската полиција

t

Обвинителството за гонење на организиран криминал и корупција ја отфрли кривичната пријава на Финансиската полиција која ја водеше против телевизија „Алфа“, поточно, против сопственикот на националната телевизија „Алфа Скоп“ ДОО, дознава Инфомакс.

Финансиската полиција водеше предистрага против „Алфа Скоп“ ДОО, фирма издавач и сопственик на националната телевизија Алфа, поради сомнение за даночно затајување со кое бил оштетен државниот буџет во висина од 100.000 евра.

Минатата година, во телевизија Алфа неколкупати се вршеше претрес и проверка на целосната документација на компанијата.

Тогаш, директорот на телевизијата Јани Бојаџи обвини дека се работи за системски притисок врз телевизијата, објаснувајќи дека медиумот нема никаква врска со обвинението, кое ја товари претходната директорка на „Алфа Скоп“ ДОО за која постеше сомнение дека извршила даночно затајување.

На обвинението му претходеше кривична пријава што ја поднесе Финансиската полиција. Пријавени беа „АЛФА СКОП“ и управителката на фирмата, Србинката Симонида Кажиќ, која е сега директорка на Државната лотарија во Србија, а со телевизијата управуваше до 2016 година.

Освен документација во врска со управувањето на телевизијата од страна на Кажиќ, се чешлаа и документи за соработка на телевизијата, договори за маркетинг и изработка на веб страни.

ОЈОГОКК во петокот го отфрли обвинението поради немање на докази, откако и со меѓународна правна помош не успеале да добијат доволно докази од Р.Словенија и Р.Унгарија.

– Се уште не сме информирани за оваа одлука, но и тогаш и сега кажувам дека ние сме целосно транспарентни и отворени за сѐ што му треба на обвинителството во смисла на оваа истрага, вели Бојаџи за Инфомакс.

Телевизијата Алфа е основана во 2008 година. Мнозински сопственик во тоа време беше бизнисменот Штерјо Наков преку компанијата „Фершпед“. Во септември 2013 година српскиот бизнисмен Веселин Јевросимовиќ откупи 56 проценти од акциите на телевизијата.

Во 2017 година уделот на Јевросимовиќ го презеде унгарскиот државјанин Петер Шац и српскиот Горан Балаќ и од тогаш телевизијата е во нивни раце.

ПОВРЗАНИ ВЕСТИ

Политиката против правдата – кој го штити…

Арафат Муареми, директорот на Финансовата полиција, се…

СВР Куманово изрече над 100 санкции за…

Денеска (14.08.2022) во времето од 14 –…

Апсење на патот Кичево – Македонски Брод:…

Денеска (14.08.2022) во 01.30 часот, од полициски…

Голема акција во Косово: Уапсени 18 лица…

Косовската полиција објави денеска дека уапсила 18…

Бугарската “БНТ” не обезбедува превод на македонски,…

Веќе цела година, гледачите во Македонија, преку…