„Тој е марионета во човечки облик“: Илон Маск се скара со Џо Бајден

t

Најбогатиот човек на светот, основачот на „Тесла“, Илон Маск се судри со американскиот претседател на социјалните мрежи, наведувајќи дека Џо Бајден е „марионета во човечки облик“.

Причината за изливот на гнев на Маск против Џо Бајден на Твитер е тоа што американскиот претседател на таа социјална мрежа сподели видео со шефицата на „Џенерал моторс“, Мери Бар.


Во тоа видео, Бајден ги пофали инвестициите на Џенерал Моторс во електрични возила.

Како одговор на тоа видео, Илон Маск на Твитер напиша дека производството на електрични возила во САД „започнува со буквата Т, завршува со А, со ESL во средината“.

Потоа го нападна американскиот претседател, нарекувајќи го „марионета во човечка форма“ со емотикони во форма на чорап, алудирајќи на тоа дека некој друг го контролира („чорап“ или „чорап кукла“ во интернет комуникацијата често значи лажен профил на социјалните мрежи кој се користи за разни злоупотреби).

Маск додаде дека „Бајден ги третира Американците како будали“, одговарајќи на другите корисници на Твитер, кои напишаа дека американскиот претседател „сака да канселира голема американска компанија и да ја промени историјата на електричните возила“, фалејки ги „Џенерал моторс“ и „Форд“.

Во контроверзното видео, Бајден исто така изјави дека „компаниите како Џенерал Моторс и Форд произведуваат електрични возила во САД повеќе од кога било досега“, додека Бара најави инвестиција од 7 милијарди долари во фабрика во Мичиген и нова фабрика за батерии во САД.

ПОВРЗАНИ ВЕСТИ

Бразилски експерт: Мултиполарен свет ќе има откако…

Ќе може да се изгради мултиполарен свет…

Бајден: Барам од нацијата да се моли…

Американскиот претседател Џозеф Бајден ѝ се обрати…

Рејтингот на Бајден повторно падна

Рејтингот на Бајден повторно падна, сега на…

Бројот расте: Во ужасот во Тексас загинаа…

Најмалку 19 деца загинаа при пукање во…

(Видео) Поранешен јапонски премиер: Америка покажа дека…

Поранешниот јапонски премиер Шинзо Абе денеска изјави…