Трамп: Одличен ден за светскиот мир, ова може да биде „златно доба за Блискиот Исток“

Американскиот претседател Доналд Трамп изјави дека осамнал голем ден за светскиот мир, кој, како што изјави, Иран го сакал затоа што „имал доста“ како и сите други, и рече дека САД ќе помогнат во развојот на сообраќајот во Ормутскиот теснец и дека може да следи „златно доба на Блискиот Исток“.

„Ќе има многу позитивни акции. Ќе се соберат големи пари. Иран може да го започне процесот на реконструкција. Ќе испорачаме залихи од сите видови и ќе бидеме блиску за да се осигураме дека сè ќе оди како што треба. Сигурен сум дека ќе оди“, напиша Трамп утрово на социјалната мрежа Truth.

Тој додаде: „исто како што го доживуваме во САД, ова може да биде златно доба на Блискиот Исток“. Неколку часа претходно, Трамп изјави дека по разговорите со пакистанското раководство, се согласил на прекин на огнот меѓу САД и Иран во период од две недели.

Кратко откако американскиот претседател Доналд Трамп објави дека е постигнат договор за прекин на огнот во траење од две недели, иранските власти издадоа соопштение во кое го потврдуваат договорот, наведувајќи дека договорот вклучува „продолжена иранска контрола врз Ормутскиот теснец“.

Share on Facebook

Tweet

Follow us

Save