Трамп се самопрогласи за претседател „број 1“ во историјата на САД: Линколн и Вашингтон чекор зад него, Бајден и Обама меѓу „неуспешните“

Шефот на САД Доналд Трамп објави ранг-листа на претседателите на САД на која само едно име стои во највисоката категорија, неговото.

Абрахам Линколн и Џорџ Вашингтон се едно скалило под него. Џо Бајден и Барак Обама, пак, ги сместил меѓу „неуспешните“.

Листата изгледа како изменета верзија на претседателското рангирање што списанието „Лајф“ го објавило во 1948 година. Тогаш рангирањето било направено врз основа на анкета со 55 познавачи на американската историја.

Верзијата што ја објави Трамп во голема мера го задржува стариот распоред. Но, во неа се додадени и понови претседатели, а Трамп се појавува сам на врвот.

Линколн и Вашингтон под Трамп

Категоријата „Одлични“ ја сочинуваат Абрахам Линколн, Џорџ Вашингтон, Франклин Д. Рузвелт, Вудро Вилсон, Томас Џеферсон и Ендру Џексон.

Теодор Рузвелт, Гровер Кливленд, Џон Адамс и Џејмс К. Полк се во категоријата „Речиси одлични“.

Меѓу „Просечните“ се Бил Клинтон, Џон Квинси Адамс, Џејмс Монро и Џејмс Медисон. Тука се и Радерфорд Б. Хејс, Мартин Ван Бурен и Вилијам Хауард Тафт.

На листата продолжуваат Честер А. Артур, Вилијам Мекинли, Ендру Џонсон, Херберт Хувер и Бенџамин Харисон.

Бајден и Обама на дното

Џон Тајлер, Калвин Кулиџ, Милард Филмор, Закари Тејлор, Џејмс Бјукенен и Френклин Пирс се означени како „Под просекот“.

Меѓу „Неуспешните“ Трамп ги сместил Џо Бајден и Барак Обама. Со нив се Јулисес С. Грант, Ворен Г. Хардинг и Џими Картер.

Од листата целосно отсуствуваат повеќе познати претседатели. Меѓу нив се Џон Ф. Кенеди, Ричард Никсон, Роналд Реган и двајцата претседатели Буш.

Ги нема ниту Хари С. Труман, Двајт Д. Ајзенхауер, Линдон Б. Џонсон и Џералд Форд.

Share on Facebook

Tweet

Follow us

Save