Тренчевска се сретна со потпретседателката на Сојуз на стопански комори на Македонија

t

Министерката за труд и социјална политика, Јованка Тренчевска денеска се сретна со потпретседателката на Сојузот на стопански комори на Македонија, Габриела Кулебанова.

Ова е соопштението од Владата:

“На средбата се разговараше за досегашната соработка помеѓу Министерството за труд и социјална политика и Сојузот на стопански комори на Македонија, моменталните предизвици со кои се соочува стопанството во време на пандемија која освен здравствени, донесе и економски последици и влијанието на економско- енергетската светска криза врз одржливоста на бизнис секторот, но и на работникот.

Министерката Тренчевска посочи дека Владата на Северна Македонија од почетокот на пандемијата креираше шест пакети економска помош и поддршка за компаниите и граѓаните со цел полесно пребродување на кризниот период. Тоа директно придонесе за задржување на ликвидноста на компаниите и работните места.

„Само задоволен работник е продуктивен работник и како таков тој директно ќе придонесе и за продуктивноста на компанијата за која работи. Затоа, сите политики и законски решенија ги правиме низ транспарентен процес со вклученост на сите засегнати страни во општеството. И како Влада и како ресорно министерство кое работи во областа на трудот, остануваме отворени за сугестии, забелешки и коментари во креирањето на законите кои ќе понудат најодржливи решенија за сите страни,“ рече Тренчевска.

На средбата се разговараше и за новото законско решение недела- ден на неделен одмор кое доби поддршка и од Сојузот на стопански комори, неговата имплементација и соработката со Државниот инспекторат за труд, како орган кој го врши надзорот на неговото почитување, како и за новиот Закон за работни односи, кој е во работна верзија.

„За новиот Закон за работни односи предвиденo е отворање на широка јавна расправа со цел да се слушнат сите засегнати страни во општеството, а во насока на изнаоѓање на најдоброто решение кое ќе одговори на потребите на сите чинители, и на работниците и на работодавачите. Како Влада силно го подржуваме социјалниот дијалог, затоа што само заеднички можеме да дојдеме до најсоодветното решение. Министерството е отворено за соработка и за реализација на проекти и активности кои се дел од целите од Програмата за работа на Владата на РСМ, 2022-2024“, рече Тренчевска.

Двете соговорнички изразија подготвеност за продолжување на досегашната институционална соработка на прашањата во областа на трудот.”

ПОВРЗАНИ ВЕСТИ

Ѓоргиев: Периодот на 19 и 20 век…

Доколу нема договор, Комисијата по секоја цена…

Зијан одмор: Повторно оштетени македонски возила во…

Шест македонски возила изгребени со остар предмет…

Ванковска: Колку пати ќе умираме, кој си…

Универзитетската професорка Билјана Ванковска на Фејсбук прашува…

(Видео) КАПА ДОЛЕ МОМЦИ: Организаторот ја скрати…

Кадетската репрезентација на Македонија обезбеди место на…

Димовски: Живо сум заинтересиран како ќе се…

Илија Димовски преку објава на социјалната мрежа…