Турскиот претседател Реџеп Таип Ердоган ќе ја посети Јужна Кореја од 1 до 4 ноември

Турскиот претседател Реџеп Таип Ердоган ќе ја посети Јужна Кореја во периодот од 1 до 4 ноември, на покана на јужнокорејскиот претседател Ли Џе-мјунг, соопшти денеска директорот на Дирекцијата за комуникации при турското претседателство, Бурханетин Дуран, цитиран од Анадолската агенција.

„За време на официјалните разговори, закажани за вторник, 3 ноември, ќе бидат разгледани сите аспекти на стратешкото партнерство меѓу двете земји и ќе бидат разменети мислења за актуелните регионални и глобални прашања“, напиша Дуран на турската социјална мрежа „Ен Социјал“.

„За време на посетата ќе бидат потпишани и различни документи насочени кон зајакнување на правната рамка на билатералните односи“, додаде Дуран.

Share on Facebook

Tweet

Follow us

Save