Украина го употреби рaкетниот систем Ураган во близина на Крим
![t](https://infomax.mk/wp-content/uploads/2022/02/raketa.jpg)
Украинската армија изведе вежби со повеќецевни ракетни фрлачи „Ураган“ во близина на границата со Крим, соопшти прес-службата на Здружената команда на вооружените сили на Украина.
Како што се прецизира, единиците на ракетната артилерија, подредени на командата на Здружените сили на украинската армија, го извршиле распоредувањето на позициите за гаѓање, нападот и гаѓањето на условниот противник.
„Теренската обука за координација на екипажот на повеќецевните ракетни системи „Ураган“ се одржа во услови што е можно поблиску до борба, недалеку од административната граница со привремено окупираната територија на Крим“, соопшти прес-службата во изјава.
Според командантот на Здружените сили на украинската армија, генерал-полковник Сергеј Наев, ваквата обука развива одреден алгоритам на воени активности.
„Ова се однесува и на борбена работа на позицијата при пукање, на издавање наредби за отворање оган, како и активности при реализација на внатрешниот позиционен маневар и напуштање на огнената позиција“, појасни тој.
Да потсетиме, украинската армија кон крајот на јануари изврши тактичко-специјална обука за артилериските единици на хаубици „Мста Б“ во областа Керсон недалеку од границата со Крим.
ПОВРЗАНИ ВЕСТИ
Украина ја засилува својата ракетна програма, Зеленски…
Украина издвојува дополнителни средства за својата ракетна…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
Првите Ф-16 пристигнаа во Украина
Првата серија американски ловци Ф-16 пристигна во…