Украина се мобилизира: Зеленски нареди регрутација на резервистите
![t](https://infomax.mk/wp-content/uploads/2021/05/ukraina-bombardiranje.jpg)
Украинскиот претседател Володимир Зеленски нареди регрутација на резервниот состав на армијата и предупреди дека земјата се соочува со битка за своето постоење. Тој засега ја отфрли можноста за општа мобилизација. На повикот треба да се одзват сите резервисти од 18 до 60 години.
Зеленски почна да ја подготвува нацијата за војна откако Русија ја прогласи независноста на самопрогласените народни републики Доњецк и Луганск, а рускиот парламент му дозволи на Путин да користи воена сила надвор од Русија. Западот смета дека ова е најава на целосна инвазија.
Зеленски со недели ја смируваше тензијата, велејќи дека нема докази дека Русија може да ја нападне Украина во секој момент. Тој конечно ја смени реториката откако Белата куќа вчера кажа дека руската инвазија е веќе почната.
„Украина е мирна земја, но нејзиниот народ нема да седи мирен додека е соочен со агресија. Ако останеме тивки денеска, утре ќе исчезнеме. Ни претстои напорна работа, но подготвени сме за тоа. Ние сме на наша земја и не се плашиме од ништо и никого, никому ништо не должиме“, кажа Зеленски.
Како услови за решавање на кризата, Путин вчера ја повика Украина да се откаже од аспирациите за членство во НАТО, да го признае рускиот суверенитет врз Крим и делумно да се демилитаризира, при што ја обвини дека развива нуклеарно оружје.
ПОВРЗАНИ ВЕСТИ
Нигеp ги пpекинува дипломатските односи со Укpаина
Нигер ги прекинува дипломатските односи со Украина…
Украина ја засилува својата ракетна програма, Зеленски…
Украина издвојува дополнителни средства за својата ракетна…
„Њујорк Тајмс“: Иран бара од Русија напредни…
Иранската влада побарала од Русија напредни радари…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…