Унгарија го блоkираше влезот на Украина во центарот за сајбер одбрана на НАТО
![t](https://infomax.mk/wp-content/uploads/2022/02/nato.png)
Унгарија го блокираше учеството на Украина во работата на Извршниот центар на НАТО за кооперативна кибер-одбрана, пишува украинскиот весник „Европска правда“, повикувајќи се на неименуван извор.
Како што беше прецизирано, секретарот на Советот за национална безбедност и одбрана на Украина, Алексеј Данилов, соопшти дека една од членките на Европската унија се противела на приклучувањето на Украина во сајбер центарот на НАТО, чие седиште се наоѓа во Талин.
„Постои институција наречена Сајбер-НАТО. Минатото лето таму ги доставивме соодветните документи, ги поминавме сите проверки. И таму, како и во НАТО, одлуките се носат со консензус. Така, една од европските земји ни го ускрати учеството во таа угледна институција“, изјави Данилов за „1 + 1“ телевизија.
Извор од „Европска правда“ кој учествуваше во процесот потврди дека правото на вето го искористила Унгарија.
Како што беше прецизирано, постапката за одобрување на украинското барање е започната во октомври 2021 година, а доколку биде успешно завршена, Украина би станала членка на центарот веќе на 1 јануари 2022 година.
Украинскиот весник пишува дека правилата им дозволуваат на членките на НАТО да го вратат барањето на Украина на разгледување. Но, имајќи предвид дека седниците на Советот на Центарот што носи одлуки за членство се одржуваат само двапати годишно, дури и во случај на позитивна одлука, Украина ќе може да се приклучи на таа структура дури од втората половина на 2022 година, наведува статијата.
ПОВРЗАНИ ВЕСТИ
Путин ќе ги смирува Туpција и Сиpија:…
Организирањето на средба меѓу претседателите на Турција…
Четири активни пожари на територијата на Македонија,…
Во текот на денешниот ден до 13…
Русија прогласи вонредна состојба во Курск
Русија прогласи вонредна состојба во пограничниот регион…
Ивановски пред утрешната трка: Подготвен сум, сакам…
Aтлетичарот Дарио Ивановски утре ќе ја претставува Македонија на…
Во сообраќајка во Грција повредено четиричлено семејство…
Четиричлено семејство од Македонија е повредено во…