УХМР: Вчера дувал ветер од 134 km/h!

УХМР објави информација за максимална брзина на ветерот кој вчера предизвика големи штети во Скопје и околината, како и во делови од Македонија.

-На Автоматската метеоролошка станица во Штип, во 17:00 часот, е регистриран оркан со максимален удар на ветер од 134 km/h со правец запад-северозапад (WNW). Во Скопската котлина, на Автоматската метеоролошка станица Скопје, во 16:10 часот е регистриран оркан со максимален удар од 130 km/h со правец север-северозапад (NNW). Ветер со истата јачина од 130 km/h е регистриран и на Автоматската метеоролошка станица Ново Село во Струмица, во 17:50 часот, со правец северозапад (NW), информира МВР.

Оркан/ураган според класификацијата за јачина на ветер, претставува ветер чија брзина надминува 118km/h.

-Тоа е екстремно силен ветер кој на оваа територија се случува многу ретко и предизвикува силни разорувања и значајни штети во пошироки размери, велат од УХМР.

Share on Facebook

Tweet

Follow us

Save