Учениците и студентите со попреченост добиваат адаптиран превоз: Град Скопје потпиша договор со ЈСП

Од Град Скопје соопштуваат дека е обезбеден превоз за ученици и студенти со попреченост, за што е склучен договор меѓу ЈСП и Град Скопје.
Ова е целосното соопштение:
“За ученици и студенти со попреченост е обезбеден организиран превоз од нивното место на живеење до средните училишта и факултетите во Скопје каде што учат и студираат и назад, со адаптирани возила, за што Градот Скопје и ЈСП склучија договор. Станува збор за активност на Градот Скопје што е во согласност и со Програмата за активностите во областа на социјалната, детската и здравствената заштита во град Скопје, за 2022 година.
Организираниот превоз на учениците и студентите со попреченост кои следат настава во средните училишта или факултетите во Град Скопје се реализира со адаптиран автобус и минибус комбе. Возилата се комплетно адаптирани на потребите на корисниците со можност за влез на инвалидска количка и други додатоци.
Вкупно 80 ученици и студенти со попреченост го користат овој вид превоз. Здружението на студенти и младинци со попреченост директно со целната група и возачите прави неделен распоред и организира маршрути.
Градот Скопје е посветен на значително подобрување на квалитетот на живеењето на студентите и младинците што припаѓаат на оваа ранлива група, за да се овозможи поголема мобилност, полесен пристап на лицата со попреченост до училиштата и факултетите, вклучување во редовниот образовен процес и обезбедување самостојност и независност во движењето.”
ПОВРЗАНИ ВЕСТИ
(Видео) ГОРДЕЈ СЕ МАКЕДОНИЈО! СКОПЈЕ Е ЕВРОПСКА…
Градот Скопје стана Европска престолнина на културата…
ЈСП: Бруцошите имаат право на бесплатен превоз
Во пресрет на почеток на академската 2023/2024…
Студентите победија: Вратени старите цени за сместување…
Државниот Студентски Дом „Скопје“ – Скопје на…
Посебен режим на сообраќај утре во Скопје
Министерството за внатрешни работи ја информира јавноста…
Крлежи носители на Конго-кримска хеморагична треска пронајдени…
Во скопскиот регион се откриени крлежи кои…