Хрватскиот министер кој предизвика тешка сообраќајна несреќа се соочува со казна затвор од 3 до 15 години!

t

Премиерот на Хрватска, Андреј Пленковиќ на прес-конференција соопшти дека го разрешил министерот за одбрана Марио Баножиќ кој ја предизвика сообраќајната несреќа во која загина возач на комбе, но останува прашањето со колку години затвор се соочува.

Согласно Кривичниот законик, со затвор од 3 до 15 години затвор се казнува учесник во сообраќајот на патиштата кој со прекршување на прописите за безбедност во сообраќајот ќе предизвика опасност по животот или телото на луѓето или имотот од поголеми размери, а поради тоа ќе предизвика смрт на едно или повеќе лица, пишува хрватски „Индекс“.

-За невнимание се заканува казна од една до осум години, но според она што досега го знаеме, а тоа е дека Баножиќ намерно претекнувал при лоши временски услови и намалена видливост, што тешко дека може да се оквалификува како невнимание, се додава во текстот на хрватскиот медиум.

Хрватскиот премиер Андреј Пленковиќ му изразил сочувство на загинатиот возач на комбето, Горан Шариќ.

„Ги слушнавте околностите на несреќата и изразуваме жалење и загриженост за состојбата на министерот кој беше хоспитализиран со тешки повреди“, додал Пленковиќ.

Баножиќ утрово предизвикал сообраќајна несреќа во која загина едно лице, потврдило тамошното Обвинителство. Познато е дека тој се упатил на лов кога се случила несреќата.

Несреќата се случила во 6 часот и 15 минути, на излезот од Винковци во правец кон Жупања. Баножиќ бил примен во болницата во Винковци во 8:30 часот, а потоа бил префрлен во КБЦ Осијек.

Од болницата известиле дека министерот е на интензивна нега, дека има повреди на мозокот, градниот кош и екстремитетите, но дека животот не му е во опасност. Лекарите велат дека не се сеќава на несреќата.

ПОВРЗАНИ ВЕСТИ

Пијан Македонец со автомобил удрил во автобус…

Во понеделникот околу 19 часот и 20…

Србија и Хрватска повторно “на нож”: Одбиено…

Српскиот министер за надворешни работи Ивица Дачиќ…

Србија ја прозва Хрватска за протерувањето на…

Министерството за надворешни работи на Србија денеска…

СТРАШНО: Ученици од Хрватска фотографирани како користат…

За време на неодамнешната посета на Вуковар,…

Хрватскиот министер кој предизвика тешка сообраќајна несреќа…

Премиерот на Хрватска, Андреј Пленковиќ на прес-конференција…