Хуманитарна акција “Сите за Мартин”: Доброволци со возила и опрема тргнаа од Македонија кон Халкидики

t

На социјалните мрежи македонските граѓани се мобилизираат за потрагата по 31-годишниот Мартин кој во неделата исчезна во водите на Егејското Море од плажата Мити на Халкидики.

-Потребно е едно доброволно лице, односно една кола, кој ќе се нафати да отиде до Халкидики утре. Покриено е патен трошок, смештај и јадење, целта е да се однесе опрема и лица, стручни спасувачи, кои ќе помогнат во барањето. Најверојатно ќе се остане цел викенд. Битно е да е поголема кола, караван или џип со цел да собере повеќе опрема, стои во објава на Фејсбук групата „Сите за Мартин“ и веќе се пријавуваат и возачи со сопствени возила.

-Почитувани Хуманитарци потребни се повеќе двогледи за утрешната екипа која ќе тргне за Халкидики во потрага по Мартин. Ќе бидат вратени соодветно со крајот на потрагата. Поради брзото организирање ве замолуваме да ни ги предадете во Центар или Аеродром – Скопје, објавија од страната Хуманитарни акции.мк

Вчера бил одржан и собир за помош и поддршка за потрагата по Мартин, при што идентификувана е потреба од луѓе кои знаат грчки, екипа со дронови (клубови, поединци и слично), луѓе со параглајдери/ Воздухопловни екипи, бродски клубови, едрилици, чамци, глисери и слично како и финансиски донации за гориво за воздухопловните и водените пребарувачи и за волонтерите, бидејќи официјалната потрага од државата е значително намалена после четвртиот ден.

– Контактирајте ваши познаници, фирми и кој било што мислете дека може да придонесе и помогне на кој било начин. Да ги тагираме надлежниве институции на сите објави, да бидеме што побројни и погласни. Да се чуе нашиот глас насекаде! Секоја помош е добродојдена. Да направиме се што е во наши раце за потрагата да продолжи и нашиот Мартин да се врати! Однапред благодариме за секоја ваша помош, стои во овој апел.

ПОВРЗАНИ ВЕСТИ

Мицотакис: Грција е извозник на енергетската безбедност…

Енергетските соработки во регионот, односно гасоводот ТАП,…

Настава на македонски јазик, враќање на македонските…

Центарот за македонски јазик во Грција денеска…

(Документи) Центарот за македонски јазик во Грција…

После долго време Македонците, особено Македонците од…

Македонија и Грција изградија интензивна сојузничка соработка…

Македонија и Грција изградија интензивна сојузничка соработка…

ВЛАДА, НЕМОЈ ДА СТЕ РЕАГИРАЛЕ! Грција ја…

До крајот на годината се очекува првите…