Шестмина во притвор, четворица во куќен притвор за лажните филери и ботокс

Шест лица одат во притвор, осомничени за шверц и естетски интервенции со лажни филери и ботокс, а четворица во куќен притвор, соопшти Кривичниот суд. За останатите девет приведени лица,, судот определил мерки на претпазливост.

„Од доставените 11 предлози за определување на мерка притвор, Обвинителството, по сослушување на осомничените, за две лица го преиначи предлогот во мерка куќен притвор, од кои, судот едниот го прифати, а другиот го одби и определи мерки на претпазливост. Од останатите 9 предлози за притвор, судот уважи 6, а одби 3 и на овие 3 осомничени им определи мерка куќен притвор. Збирно од оваа акција во која предложени беа и мерки на претпазливост, судот на 6 лица им определи ефективен притвор, на 4 куќен притвор и определени се мерки на претпазливост на 9 лица“, информираат од Кривичниот суд.

Во акцијата спроведена во Скопје, Струмица и Битола беа приведени повеќе лица кои се сомничат за шверц и естетски интервенции со лажни филери и ботокс. Меѓу нив има и доктори од ГОБ „8 септември“ и Клиниката за дерматологија во Скопје.

Share on Facebook

Tweet

Follow us

Save