Шестмина обвинети во „Синџир“ признаа вина

Шестмина обвинети, меѓу кои и осомничениот за организирање на злосторничко здружување за даночно затајување и перење пари, Сашо Вучков, признаа вина на првото рочиште во случајот Синџир.

За останатите 11 обвинети судењето продолжува.

Тие се сомничат дека со издавање фиктивни фактури избегнувале да платат данок и го оштетиле буџетот за 490 милиони денари односно 8 милиони евра.

Истражната постапка против 26 сопственици и управители на 28 правни лица беше започната на 30 октомври 2023 година.

Во меѓувреме истрагата беше проширена за уште две лица, а за едно лице кое при оценка на Обвинителниот акт почина е донесено Решение за запирање на истрагата.

Согласно одредбите од Кривичниот законик за кривични дела на правни лица како главна казна се изрекува парична казна, а за кривични дела за кои е пропишана казна затвор од најмалку три години, правното лице се казнува со парична казна до еден милион денари или ако делото е сторено од користољубие или е предизвикана штета од големи размери најмногу до петкратниот износ на предизвиканата штета или остварената корист.

На претходното рочиште обвинителството за случајот „Синџир“ се спогоди со дел од обвинетите и благодарение на тоа во буџетот се вратени еден милион евра.

Share on Facebook

Tweet

Follow us

Save