Шефот на Пентагон повторно заврши во болница
![t](https://infomax.mk/wp-content/uploads/2024/02/Lojd-Ostin.jpg)
Американскиот секретар за одбрана Лојд Остин, кој закрепнува од рак на простата, повторно е примен во болница во Вашингтон поради проблеми со мочниот меур и му ги префрли овластувањата на својот заменик, соопшти Пентагон.
Остин беше хоспитализиран во неделата, изјави портпаролот на Пентагон, Пет Рајдер, пренесува АП.
Иако Остин првично имаше намера да продолжи со своите должности и одговорности, подоцна беше објавено дека овластувањата ги префрлил на заменичката Кетлин Хикс.
Остин (70) беше примен во Медицинскиот центар на националната армија Волтер Рид Мериленд на 22 декември поради лекување на рак на простата.
Тој повторно се врати во болница на 1 јануари поради компликации, вклучително и уринарни инфекции.
Информациите за неговото хоспитализација беа откриени дури четири дена подоцна, а Пентагон во меѓувреме не прецизираше зошто министерот е задржан на лекување до 9 јануари.
Пред неколку дена беше објавено дека Остин ќе сведочи пред Конгресот на 29 февруари во врска со неговото необјавување на дијагнозата за рак и последователната хоспитализација.
Неговите лекари претходно најавија дека прогнозата за лекување на ракот е добра и дека не е потребно дополнително лекување.
ПОВРЗАНИ ВЕСТИ
САД ѝ се заканија на Турција со…
Помошникот на шефот на американското Министерство за…
Ние кога? САД инвестираат 2,2 милијарди долари…
Администрацијата на американскиот претседател Џо Бајден објави…
САД: Неонацистичка група има намера да се…
Предизборната кампања во САД се соочи со…
САД ќе испратат борбено засилување на Блискиот…
Американската војска ќе распореди дополнителни борбени авиони…
Хантер Бајден ќе ја добие пресудата осум…
Хантер Бајден, синот на американскиот претседател Џо…