Шпанија од пожарите изгуби 20.000 хектари за 24 часа

Пожарите во близина на Мадрид и во регионот Авила влегуваат во ризична фаза. Шпанскиот премиер Педро Санчез изјави дека иако борбата против огнената стихија се развива позитивно, но и дека пред земјата се наоѓаат неколку тешки часови. Во рок од помалку од 24 часа, вкупната изгорена површина во Шпанија се зголеми од 130.000 на 150.000 хектари.

Армиската единица за вонредни ситуации постигна значителен напредок во сузбивањето на огнот. Потполковникот Алфонсо Аррибас, кој раководи со оперативните тимови, за јавниот сервис РТВЕ потврди дека целиот фронт на пожарот е успешно заграден. Воените тимови се фокусирани на изолирање на преостанатите критични точки за да спречат ново разгорување.

When you’re told to evacuate, evacuate! The speed of this forest fire in Navas del Rey, near Madrid, Spain is terrifying.

It took 8 minutest to reach the camera. pic.twitter.com/NKmprMEokR

— Volcaholic(@volcaholic1) July 25, 2026

Противпожарните тимови очекуваат дека моменталните метеоролошки услови ќе им овозможат да делуваат директно на преостанатите неконтролирани зони. Сепак, официјалните лица нагласуваат дека целата зафатена површина сè уште не е целосно безбедна и дека контролата засега се однесува само на надворешниот периметар.

Шумските пожари од овој обем создаваат огромни количини чад и штетни честички кои воздушното струење лесно ги пренесува низ цела Европа. Овие микроскопски честички од јаглерод веќе влијаат врз квалитетот на воздухот и во регионот на Југоисточна Европа, што ги прави шпанските климатски екстреми директно релевантни за целиот континент.

Share on Facebook

Tweet

Follow us

Save