Јакимовски: На народот му се дава предлогот на великиот Макрон, а всушност му се сече глава со протоколот од позадина!

Францускиот предлог е обична дипломатска маневра, да не речам лага, во која на нас ни се фрла предлогот на Макрон, а во позадина се цитира протоколот со сите мегаломански барања од Бугарија, рече во денешното гостување во Само вистина градоначалникот на Општина Карпош, Стевчо Јакимовски.

– Она што му го даваме на народот е на великиот Макрон предлогот, а уствари главата му се сече на македонскиот народ во протоколот каде се објаснува и историја и учебници и најголемата опасност по Македонија, истакна Јакимовски.

Јасно ќе кажам пред сите, оваа операција се прави за Албанија, а не за Македонија. Ако сега ја остават Македонија со вето и продолжат со изживување, да почне преговори со Албанија ќе биде голем срам. Планираат да не убедат да прифатиме и крајно нечесно и крајно безобразно да не остават во позадина, а Албанија да си продолжи, додаде лидерот на ГРОМ.

Share on Facebook

Tweet

Follow us

Save