INFOMAX.MK

Граѓаните можеа да нѐ тестираат, како претседателски кандидати, дали подлегуваме на закани, истакна на денешната претседателска конвенција лидерот на ГРОМ и кандидат за шеф на државата, Стевчо Јакимовски.

– Граѓаните можеа да видат дека ни Америка, ни свети Америка, кога е во прашање Република Македонија, нема ни милиметар да отстапиме и сѐ ќе им кажеме што имаме, затоа што чесно си ја обавуваме функцијата. А од оваа говорница ќе им кажам дека и дрогата и криминалот и целата декаденција дојде благодарение на дружбата со нив.

Кутриот Јосип Броз нѐ учеше на вредности , на почитување меѓу народите, немавме пороци, се трудевме сите да работиме, да живееме убаво, да се забавуваме, да одиме на одмор, со еден збор да ја почитуваме државата во која живееме.

Моите политики се исправни и се во интерес на сите граѓани на Република Македонија, без оглед на вера, нација, и материјална состојба. Моите политики го опфаќаат обичниот човек и во претседателот мораат да имаат свој заштитник, за секој еден граѓанин, рече Јакимовски.