Џафери со апел да се почитува територијалниот суверенитет на Украина

t

Колку и да ни се чини географски далеку, Украина не е далеку и последиците ќе бидат далекусежни, не само од воен аспект, туку и од економски, и ќе се одразат врз регионот и пошироко во меѓународен контекст, изјави претседателот на Собранието Талат Џафери.

Посочи дека ставот што неговата матична партија ДУИ го имала за време на кризата во Украина во 2014 година е непроменет и актуелен и денес.

Ставот на Собранието и на државата е дека Украина има свој територијален суверенитет и треба да се почитува од сите. Иако воените дејствија ескалираат, приоритет треба да има дијалогот, преговорите и разговорите, сѐ додека се исцрпат сите инстанции. На Украина ѝ припаѓа правото да може да има право на соодветен одговор како и секоја суверена земја, изјави Џафери на прес-конференција прашан за коментар за воените дејствија од Русија врз Украина.

Додаде дека нема разлики меѓу ставот на Македонија и западниот свет – ЕУ, САД, и сите сили кои, како што рече, мислат дека е несоодветен начинот на кој е постапено во Украина.

Советот за безбедност на ОН имаше свој став, меѓународната заедница треба да ги спроведе истите ставови. Ситуацијата е таква каква што е, ние не можеме да седиме со скрстени раце и да чекаме. Ова е прашање посебно за економските импликации и соодветните институции треба да преземат соодветни и превентивни мерки за да се надминат можни негативни економски влијанија, рече претседателот на Парламентот.

ПОВРЗАНИ ВЕСТИ

По Киев јапонскиот премиер пристигна и во…

Јапонскиот премиер Кишида пристигна во Буча со…

Нуклеарна војна во најава? Путин и Шојгу:…

Русија ќе биде принудена да реагира доколку…

„Југословенско сценарио“ вели Москва за намерата на…

Портпаролката на Министерството за надворешни работи на…

Повторно контра сите во ЕУ: Унгарија нема…

Унгарија не сака да испраќа муниција во…

Членките на ЕУ ќе ѝ испратат на…

Земјите од Европската Унија планираат да ѝ…