Џонсон со застрашувачко предупредување: Ова ќе биде најголемата војна во Европа од 45-та

Премиерот на Велика Британија, Борис Џонсон, за Би-Би-Си изјави дека постои ризик од избивање на најголемиот конфликт по Втората светска војна поради ескалацијата на ситуацијата околу Украина.

Според политичарите, има некои „знаци“ дека Русија „во извесна смисла веќе започнала со реализација на планот за инвазија на украинска територија“.

„Се плашам дека овој план, чија реализација сега ја гледаме, може да доведе до најголемата војна во Европа од 1945 година“, тврди Џонсон.

Британскиот премиер се повика на податоците на разузнавачките служби и изјави дека руските војници наводно планираат да го „освојат“ Киев. Повикувајќи се на американскиот претседател Џозеф Бајден, тој изјави дека Москва има намера да започне „инвазија“, не само од источна Украина, туку и од Белорусија.

Британскиот премиер најави дека Лондон и Вашингтон нема да дозволат руските компании да „тргуваат со стока и долари“, што, според него, ќе има „многу тешки последици“.

Во последните месеци западните медиуми постојано известуваа за наводната можна инвазија на Украина , наведувајќи „точни датуми“, па дури и времиња, и повторно одложувајќи ги. Руската страна редовно ги негираше ваквите тврдења. Рускиот претседател Владимир Путин истакна дека Москва не сака војна, а за да ја спречи Русија започнала преговори за безбедносни гаранции.

Share on Facebook

Tweet

Follow us

Save