Автобус со 20 луѓе падна во река во Санкт Петербург

Според прелиминарните податоци, автобусот со 20 патници ја пробил оградата на мостот и паднал во реката Моика во Санкт Петербург, соопшти прес-службата на регионалниот оддел на Министерството за внатрешни работи на Русија.

Итната помош соопшти дека во несреќата едно лице загинало, а пет се хоспитализирани.
Според информациите, возачот изгубил контрола над возилото, удрил во неколку автомобили, ја пробил заштитната ограда и слетал во реката во центарот на Петербург.
Според соопштението, припадниците на итната помош во моментов ги извлекуваат патниците од водата.

Во акцијата за спасување биле ангажирани 69 припадници на итната помош и 18 возила.
Полицијата соопшти дека возачот на автобусот е приведен, поведена е кривична постапка.

Share on Facebook

Tweet

Follow us

Save