Алармантна е состојбата со поплавите во Кичево, општината бара помош од Армијата и приватни компании

Поради настанатата кризна состојба предизвикана од поплавите, Општина Кичево ги има преземено сите максимални мерки и сите расположливи капацитети се целосно ставени во функција на терен, информираат од Општина Кичево.

-Во насока на побрзо и поефикасно справување со состојбата, побарана е дополнителна помош од Министерството за одбрана и Министерството за животна средина.

Дополнително, ангажирани се сите приватни компании кои располагаат со тешка механизација, со цел да се вклучат во интервенциите и расчистувањето на критичните точки.

Упатуваме апел за смиреност, трпение и соработка до граѓаните. Се преземаат максимални напори за да се надмине оваа кризна ситуација и да се обезбеди навремена помош и безбедност за сите засегнати.

Општина Кичево ќе продолжи редовно да ја информира јавноста за развојот на состојбата, велат од Општината.

Порталот „Kercova.net“, објави видео од поплавите во Кичево.

Share on Facebook

Tweet

Follow us

Save