INFOMAX.MK

Во денешното соопштение од претседателскиот кабинет на Гордана Сиљановска Давкова по повод посетата во Ватикан Папата Франциск, повторно не се употребува уставното име на државата, но не се употребува ниту „Македонија“. Единствените термини што се користат се „нашата држава“ и „нашата земја“, анализира Мета.

„Претседателката Сиљановска Давкова и Папата Франциск ги разгледаа можностите за унапредување на институционалната соработка во областа на образованието, науката и културата и разменија мислење за тековните предизвици со кои се соочува католичката заедница во нашата држава“.

„Посочувајќи дека во нашата земја постои традицијата на почит кон различностите и висока свест за позитивната улога на религијата во развојот на општеството, претседателката го потенцираше значењето и придонесот на католичката црква и ја изрази нејзината подготвеност за продолжување на соработката со католичката заедница“.

„Претседателката изрази уверување дека за време на нејзиниот мандат нашата држава уште поинтензивно ќе се залага за продлабочување на севкупните односи со Светиот Престол, со цел јакнење на партнерството и негување на меѓусебното почитување базирано на заедничките историски, културни и верски традиции“.

Сиљановска Давкова при инагуарацијата не го користеше уставното име на државата, потег што предизвика жестоки реакции пред сè од Грција, но и од целата меѓународна заедница која повика на почитување на Преспанскиот договор, пренесува Мета.

Интересно е што и во обраќањето до Володимир Зеленски, Силјановска наместо Македонија или Република Македонија користи знаменца на Твитер.

I spoke with the Ukrainian President @ZelenskyyUa about the upcoming Peace Summit and confirmed my participation. The possibility of my official visit to Kiev was also discussed. Bilateral cooperation between 🇲🇰 and 🇺🇦 will continue. We agreed that EU accession is common goal. pic.twitter.com/GGHDpMkvD6

— Гордана Сиљановска Давкова (Gordana Siljanovska) (@gogamkd) May 23, 2024