Ахмети: Албанците и Македонците имаат различна култура и јазик, но ја имаме Македонија заедно – Мора да се одлучиме дали сме со Москва или со Брисел

„Иако Албанците и Македонците имаат различен јазик и култура, ја имаме Македонија заедно“, рекол лидерот на ДУИ, Али Ахмети на вчерашната посета на општинскиот огранок на партијата во Гостивар

-И затоа работиме, љубовта кон државата не се мери во килограми. Мора да одлучиме дали сме со Москва или со Брисел. Дали сме во минатото или во иднината? Нашата иднина нема друга алтернатива освен интеграцијата во ЕУ. Стабилноста ни е многу важна. Мислам дека сите овие години што придонесувачи за зајакнување на стабилноста и покрај тоа што некои македонски партии не вложуваат многу за да ги убедат граѓаните дека оваа држава е наша и заедничка. Ама тие велат, Албанците ни ја земаа државата, кај ќе ја однесеме. Не менуваме граници, ама не сме ни станари, нека го заборават тоа. Не работиме за она што не ни припаѓа, но државата не може да биде само на една партија, порачал Ахмети.

Првиот човек на ДУИ порачал дека заврши времето на патриотизмот и времето на поделби, блокови и меѓуетнички војни.

-Ние сме дел од Европа, ние сме Европа. До Втората светска војна војните беа религиозни, многу страдавме. Сега да видиме од перспектива на иднината како да постапиме. Ова ќе се случи, и тоа ќе се случи како денес. Скептицизам имаше за членството во НАТО, како и за Охридскиот рамковен договор, истакнал Ахмети.

Ахмети зборувал и за евентуалното мнозинство меѓу СДСМ и ВМРО-ДПМНЕ.

-Тоа е неприфатливо и нема да се случи затоа што војните до пред 20 години беа токму предизвикани од еднаквоста меѓу етничките групи. Можеби има сили што мислат така, но има и прогресивни сили во оваа земја. СДСМ е на чело, нема ново мнозинство, без разлика на акробациите за ново мнозинство, ви велам дека коалицијата работи и е стабилна и ќе има избори во 2024 година, или ќе бидат заедно со претседателските или после нив. Да не трошиме, да направиме и претседателски и парламентарни избори. Победувавме 20 години и ќе продолжиме, бидејќи на големите работни места им е потребна силна поддршка од народот. Не би бил силен без многу пријатели, овие успеси се заеднички и не е лесно да се туркаат. Почна скринингот, завршува во ноември, се свика заедничката средба со ЕУ, до тој период треба да го смениме Уставот. Политичките партии мора да ги охрабрат граѓаните, Македонија и Македонците ќе бидат легитимирани, имаме сојузници и никогаш нема да бидеме губитници. Секогаш го имате нашиот грб, рече Ахмети.

Share on Facebook

Tweet

Follow us

Save