Ахмети: Јас не сум функционер туку мисионер, мојата мисија не е завршена – Ќе ме носите “на врат” уште четири години

Лидерот на ДУИ, Али Ахмети вели дека ќе се работи на менаџирање на ситуацијата во партијата откако вчера група поранешни и сегашни истакнати фуннкционери и членови на партијата упатија писмо до Ахмети појаснувајќи му дека не се задоволни од работата на Артам Груби.

– Пратениците не верувам дека ќе ја ризикуваат иднина на генерациите. Ова е дневна политика. Не е нешто што не може да се менаџира и да се надмине. Ние не отстапуваме од нашата платформа. Секогаш имало незадоволство и дебати и сум бил отворен за предлози и мислења. Поголем дел од ДУИ не сака анархија, сака правила, мир и дебата – истакна Ахмети.

Ахмети на прашањето дали ќе има избори за негова промена во 2023 година вели дека тој е мисионер, а неговата ммисија не е завршена.

– Јас не сум функционер, јас сум мисионер, мојата мисија сѐ уште не е завршена. Ќе ме „имате на врат“ и наредните четири години – одговори Ахмети.

Share on Facebook

Tweet

Follow us

Save